’ہندوستان سے کورونا کا جلد خاتمہ ناممکن، لوگ انفیکشن کے ساتھ رہنے کی عادت ڈالیں‘

ڈبلیو ایچ او کی سائنسداں ڈاکٹر سومیا سوامی ناتھن کا کہنا ہے کہ ہندوستان میں کورونا اینڈیمک اسٹیج میں داخل ہو رہا ہے، اس کا مطلب یہ ہے کہ آبادی وائرس کے ساتھ رہنا سیکھ رہی ہے۔

’ہندوستان سے کورونا کا جلد خاتمہ ناممکن، لوگ انفیکشن کے ساتھ رہنے کی عادت ڈالیں‘

ہندوستان میں کورونا انفیکشن کی تعداد میں ایک بار پھر اضافہ دیکھنے کو مل رہا ہے۔ اس درمیان عالمی ادارۂ صحت (ڈبلیو ایچ او) کے ایک دعویٰ نے لوگوں کی فکر میں اضافہ کر دیا ہے۔ سائنسداں ڈاکٹر سومیا سوامی ناتھن کا کہنا ہے کہ ہندوستان میں لوگوں کو کورونا سے چھٹکارا پانے کے لیے طویل انتظار کرنا ہوگا۔ انھوں نے مزید کہا کہ ملک میں کورونا وائرس اینڈیمک اسٹیج میں داخل ہو رہا ہے۔ قابل ذکر ہے کہ اینڈیمک اسٹیج اس سطح کو کہتے ہیں جب کوئی آبادی وائرس کے ساتھ رہنا سیکھتی ہے۔

سوامی ناتھن سے جب پوچھا گیا کہ ہندوستان میں ایسی حالت کیوں پیدا ہو رہی ہے، تو انھوں نے کہا کہ ہندوستان میں مختلف حصوں میں آبادی کے تنوع اور قوت مدافعت کی حالت کے سبب یہ ہو رہا ہے۔ یہ بہت ممکن ہے کہ یہ اتار چڑھاؤ کی حالت اسی طرح جاری رہ سکتی ہے۔ انھوں نے امید ظاہر کی کہ سال 2022 کے آخر تک ہم اس حالت میں ہوں گے کہ ہم 70 فیصد تک ٹیکہ کاری کے ہدف کو حاصل کر لیں گے اور پھر ملک میں حالات واپس معمول پر ہو سکتے ہیں۔